Масовната и брза стерилизација е клучна за успешно да се справиме со проблемот со прекубројноста на бездомните кучиња, како и вдомувањето на миленици и одговорното сопствеништво. Последните 3 дена во Лајка е стерилизирано 31 животно, што е најава за она што целиме во иднина – брза оператива, со цел да ја ставиме под контрола/запреме репродукцијата на животните на улиците. Но во овој процес никој не е семоќен и изземен од одговорност. Дали и колку ќе има бездомни животни, зависи од секој од нас. Институциите е неопходно прецизно да го уредат одговорното сопствеништво, правата и одговорностите на сопствениците на миленик (забрана за неконтролирано размножување и забрани за напуштање), зошто неодговорните навики се изворот на проблемот.
Што можеш да сториш ти, за да помогнеш?
ВДОМИ МИЛЕНИК, зошто вдомувањето е хуман акт со кој спасуваш живот и стекнуваш уникатен и верен миленик. Во моментов 135 кучиња чекаат шанса за семејство во ЈП Лајка.
БИДИ ОДГОВОРЕН сопственик, не го размножувај, стерилизирај го своето кутре, затоа што стерилизацијата превенира ред смртоносни заболувања кај животните, и го затвора кругот на нови и нови единки на улица, кои страдаат и завршуваат трагично.