ekran платформа за слободоумни
Општината Штип како организатор на манифестацијата „Пастрмалијада“, ја затвори програмата со учесници, односно забавувачи. Пастрмалијада 2017 ќе се одржи овој викенд, поточно на 15 (петок), 16 (сабота) и 17-ти (недела) септември.
Првиот ден, петок, 15.ти септември ќе настапат македонската фолк ѕвезда, Сузана „Национале“ Спасовска и фолк групата Академци, потоа рок групите „Галија“ од Србија и „Кикимора“ од Бугарија.
Вториот ден 16.ти септември, сабота, програмата ќе ја отвори, „Есма бенд“, за забавата да ја надополнат хард-рок легендите „Дивље Јагоде“, и крешчендото таа вечер ќе треба да го направи Фахрета Јахиќ-Живојиновиќ, попозната како балканската фолк кралица Лепа Брена.
Последниот ден, недела,17. септември, програмата ќе ја отвори извонредната македонска група „Тоа е Тоа“, па потоа следува настапот на фолк пејачката Тања Савиќ од Србија и на крај, за големо финале следува настапот на „сплитското цунами“, хрватската и регионална поп дива, Јелена Розга со нејзиниот бенд.
За време на тие три дена се очекува да бидат изедени над 100.000 пастрмајлии.
Викендов во Штип ќе се одржи „Пастрмајлијада 2017“
©EKRAN.MK Вестите на интернет страницата на редакцијата ЕКРАН.мк може да се користат исклучиво за лично информирање. Без писмена дозвола од ЕКРАН или посебен договор, не е дозволено превземање, користење или реемитување на вестите, во спротивно ќе уследи фактурирање на име „плагијат“ во вредност од 20.000 денари.
