ekran платформа за слободоумни
Снимката од 28-годишната Макена Милер како трча во деветтиот месец од бременоста стана вирален хит.
Оваа Американка трчала пет до шест пати неделно во текот на целата нејзина бременост, но во првите месеци била загрижена како ќе се одвива сето тоа во последното тромесечје. Сепак, таа му рекла на својот сопруг дека проценила дека сепак ќе може да истрча милја, т.е. 1,6 километри за седум минути.
Makenna Myler, la mujer que corrió una milla en 5 minutos y medio con 9 meses de embarazo https://t.co/mxyEEeKwNU
— Mag. (@Mag_ECpe) October 18, 2020
„За да ме мотивира, тој рече дека ќе ми даде 100. долари ако можам да истрчам милја за осум минути, во деветтиот месец од бременоста“, рекла Макена за BuzzFeed.
И не само што успеала да го одржи ветувањето, туку тоа го сторила за 5:25 минути, а не за осум, како што бил договорот. Сега видеото како таа трча на „ТикТок“ има повеќе од три милиони прегледи.
@mikemylerSomeone find whether this is a world record ##pregnant ##zoomies ##track ##mile ##champion
Што велат лекарите
„Мојот прв лекар ме поддржа затоа што порано работел со спортисти. Другиот сепак беше малку поскептичен, сè додека не направивме ултразвук што покажа дека бебето е целосно здраво. После тоа, тој само ми потенцираше колку е важно да внесувам повеќе калории“, објаснува Макена.
Треба да обрнете внимание и на изборот на вежби.
„Во суштина, ако некој направи одредена вежба пред бременоста, може да продолжи со тоа и за време на бременоста, со некои исклучоци (на пример, топла јога и спорт со близок контакт). Треба да се преземат општи мерки на претпазливост, односно да внимавате на хидратацијата, да престанете ако имате вртоглавица или ако не се чувствувате добро. И, се разбира, ако станува збор за бременост со висок ризик и лекарот советуваше одмор, тогаш треба да се избегнува физичка активност“, додала д-р Џенифер Линколн за BuzzFeed.
