Утрово жителите на Бурса ги дочекало изненадување на небото – по изгрејсонце се појавил необичен облак со прилично бизарен облик кој наликува на летечка чинија.
Од утрово на социјалните мрежи се споделуваат снимки од небото над Бурса, Турција, каде се појавил розов облак со чудна форма. Кружниот облак се појавил на изгрејсонце и имал голема дупка во средината.
Овој тип на формација е познат како „лентикуларен облак“ – облак што се формира кога воздухот е стабилен и ветровите дуваат над ридовите и планините од иста или слична насока на различни висини низ тропосферата.
Bursa'nın Kestel, Gürsu, Yıldırım, Osmangazi ve Nilüfer ilçelerinden görülebilen ve yaklaşık 1 saat bozulmadan kalan bulut, görenlerin ilgisini çekti. Birçok kişi gökyüzündeki bu doğa olayını cep telefonlarıyla kaydetti.#bursa pic.twitter.com/zxqvtA8PjZ
— Medya Midas (@MedyaMidascom) January 19, 2023
Сепак, корисниците брзо ја истакнаа нејзината сличност со други предмети, вклучувајќи летечки чинии, па дури и женски гениталии.
Облакот е фотографиран во раните утрински часови над воздушниот тренинг центар Гокмен (GUHEM) во Бурса.
Yer: Bursa. Bu sabah görüntülenen “Altokümülüs Lentikülaris” bulutlarının eşsiz güzelliği…
— Kutadgu Bilim (@KutadguBilim) January 19, 2023
Лентикуларните облаци се познати по својот заоблен изглед како чинија и обично се наоѓаат на надморска височина од околу 1.900 – 12.000 метри.
Поради својата необична форма која наликува на летечки чинии во научната фантастика, се верува дека лентикуларните облаци се едно од најчестите објаснувања за „појавите“ на НЛО ширум светот.
Фото: Принтскрин/Twitter