Откако автомобил налетал на пеќаци, на пешачки премин, во германскиот град Трир, две лица загинале.
Точниот број на повредени не е познат, иако градоначалникот на тој град изјавил дека најмалку 15 лица се повредени.
„Црниот џип со марка Ровер дивееше низ пешачката зона со брзина од 70 километри на час, а возачот беше уапсен по злосторството“, пренесуваат германските медиуми.
На социјалните мрежи се појави и видео од апсењето, а на него може да се види како полицијата го блокирала возилото и неидентификуваниот човек го држела на земја.
Полициските службеници ги предупредиле луѓето да го избегнуваат местото на несреќата и рекоа дека тие се на лице место заедно со екипите на брзата помош.
Засега не се познати мотивите за овој вандалски чин.
#Trier #TR0112 pic.twitter.com/SMmCEdU8H5
— EmpörterClown (@EmporterC) December 1, 2020