ekran платформа за слободоумни
По социјалните мрежи се шири емотивно видео од sвездата на „Црниот пантер“, Чадвик Босеман.
За време на интервјуот за радиото SiriusXM зборувал за две децаво терминалната фаза на рак кои сакале да го доживеат прикажувањето на филмот „Црниот пантер“, а за време на неговиот говор не можел да ги задржи солзите. Со оглед на тоа што сега е познато дека и тој самиот се борел со рак на дебелото црево во тоа време, ова интервју доби подлабоко значење.
Босеман зборува во интервју за момчиња по име Иан и Тилор, а нивните родители му рекле на Босеман дека малите сакаат да издржат до почетокот на прикажувањето на филмот во февруари 2018 година.
“После тоа се чувствувате скромно, размислувате колку им значи, знаете. Но, кога ќе видам како светот нè прифати, дека стана движење и сега има свој живот, сфатив дека се случува нешто големо”, рекол тој.
Тој додал дека момчињата починале пред премиерата.
„Кога слушнав дека се …“, рекол тој пред да се расплаче.
This 2018 clip of Chadwick Boseman getting emotional about the impact Black Panther had on two little kids with terminal cancer is especially heartbreaking, knowing now that he was fighting the same fight. RIP. pic.twitter.com/5giV543c8L
— Chicks in the Office (@ChicksInTheOff) August 29, 2020
Неговите колеги Лупита Нионго и Данаи Гурира тргнаа да го утешат.
„Значи, ова ми значи многу“, рекол тој кога малку се смирил.
Босеман ја загуби битката со ракот во петокот, 28. август 2020. година, на 43-годишна возраст.
“Сега кога знаев дека му е дијагностициран карцином во 2016. година, ја сфаќам тежината на ова. Благословени сме што човек со толку големо срце беше со нас. Да живее кралот”, рекол еден фан.
