ekran платформа за слободоумни
Ринго Стар бил принуден да ги откаже своите настапи овој викенд откако се разболел од мистериозна болест.
Легендата на Битлси (82) требало да настапи во казиното Four Winds во Њу Бафало, Мичиген во саботата вечерта, но шоуто било откажано кога Стар почнал да се бори со својот глас.
Потврдено е и дека Стар не бил позитивен на Ковид и дека има здравствен проблем што му влијае на гласот.
Ѕвездата, исто така, требало да настапи во казиното Mystic Lake во Приор Лејк, Минесота во неделата, но и тоа било откажано и од местото на настанот потврдиле дека пејачот е болен.
Во соопштението на веб-страницата на казиното се вели: „Концертот на Ринго Стар и неговиот Ол Стар бенд закажан за 20 часот во недела на 2 октомври 2022 година е одложен. Ринго е болен и се надеваше дека ќе може да настапи, па оттука и доцното известување“.
Happy day of peace peace and love peace and love😎✌️🌟❤️🌈🥦🍒🎶☮️ pic.twitter.com/9jui5dLzDz
— #RingoStarr (@ringostarrmusic) September 21, 2022
„Ринго нема КОВИД 19. Тој и бендот испраќаат мир и љубов до сите фанови кои планираа да излезат и да го видат шоуто. Презакажаниот термин ќе биде објавен во иднина“, заклучиле тие.
Веста доаѓа откако Стар објави фотографија на која тој и тапанарот Грег Бисонет позираат заедно покрај нивниот приватен авион.
„Грег и Ринго се на нивната следна свирка, благодарам, благодарам, Торонто,ви испраќам мир и љубов“, напишал Стар заедно со различни емотикони.
Gregg and Ringo on the tarmac heading for the next gig thank you thank you Toronto I send you peace and love. ✌️🌟❤️🎶🍒🎵✈️🌈☮️ pic.twitter.com/O0fMueUcgo
— #RingoStarr (@ringostarrmusic) September 30, 2022
Фото: Принтскрин/Twitter
