ekran платформа за слободоумни
Вирално видео објавено на Твитер покажува што направил сопственикот на Dodge Challenger откако се обиделе да го запленат.
Видеото го снимила задната камера на влечната служба, а се изгледа како сцена од филмот „Брзи и бесни“.
Имено, сопственикот скокнал на возачкото седиште на неговиот Challenger, кое го влечела влечна служба. Кога камионот влегува на раскрсницата, возачот на Челинџерот удира на педалот за гас и се ослободува од влечниот камион во движење, но за малку ќе удрел во друг автомобил.
Man drives his charger right off after it got picked the tow truck💨😠 pic.twitter.com/FRNIRudB50
— Raphousetv (RHTV) (@raphousetv2) October 25, 2022
Останува нејасно зошто некој би го направил ова, особено кога сите знаеме дека тоа би можело да не доведе во големи проблеми со властите, а и да ги ризикуваме и нашите лични животи. Овде, станува збор за одземање на возило од страна на извршител.
Ако вашиот автомобил е одземен затоа што сте пропуштиле неколку плаќања, тоа е почеток на комплицирана и скапа процедура. За почеток остава негативен белег на вашата кредитна историја, што значи дека ќе ви биде тешко да се квалификувате за идни кредити од банките, пишува Auto Klub.
Јасно е што згрешил сопственикот на Challenger, но возачот на камионот може да се соочи и со обвинение за влечење на автомобилот со патник внатре. „На полето на собирање и складирање работев повеќе од 17 години. Повеќето агенти за влечење нема да возат со некој во друг автомобил бидејќи тоа може да се смета за киднапирање. Веројатно не го забележал момчето како влегува во автомобилот“, напишал еден од коментарите.
Фото: Принтскрин/Twitter
