ekran платформа за слободоумни
Легендарниот мексикански гитарист Карлос Сантана се онесвестил на сцената среде неговиот настап во Мичиген.
На социјалните мрежи се појавија снимки од инцидентот каде повеќе корисници го споделија моментот кога 74-годишникот колабирал на сцената во музичкиот театар „Пајн Ноб“.
Медицинскиот персонал му пришол на помош, а Сантана брзо се освестил и додека со болничка количка го испраќале надвор од концертната сала, тој им мавнал на обожавателите, што го разбудило нивното воодушевување.
Carlos Santana waved to clapping fans as he’s helped off the stage pic.twitter.com/YA55N4QCZe
— philip lewis (@Phil_Lewis_) July 6, 2022
Карлос е во болница на набљудување каде и се опоравува, а неговиот менаџер Мајкл Врионис објаснил дека му се слошило поради „жештина и дехидрација“.
Сантана оваа година беше на турнеја со Miraculos Supernatural која започна пред помалку од еден месец и требаше да трае до август, но следното шоу закажано во Пенсилванија било откажано.
Музичарот минатата година беше подложен на „непланиран зафат на срцето“, која беше доволно сериозна за да ги откаже своите настапи на крајот на 2021 година.
Во тоа време, тој самиот ја коментирал ситуацијата: „Ќе одвојам малку време за да се опоравам и одморам“, рекол Сантана во видео пораката, во која открил дека отишол во болница откако доживеал непријатност во градите.
Фото: Принтскрин/Twitter
