(ВИДЕО) Кинескиот летечки автомобил го направи првиот јавен лет во Дубаи

Летечки автомобил направен од кинеската фабрика за електрични возила Xpeng Inc. го направи својот прв јавен лет во Обединетите Арапски Емирати, како дел од програмата на компанијата за лансирање на производот на меѓународните пазари.

X2 е авион со две седишта, вертикално полетување и слетување (eVTOL) кој се крева со осум пропелери – по два на секој агол од возилото.
„Чекор по чекор се движиме кон меѓународниот пазар“, рекол Мингуан Киу, генерален менаџер на Xpeng Aeroht.
„Го избравме Дубаи за првиот лет бидејќи е најиновативниот град во светот“, објаснил тој.

Фото: Принтскрин/YouTube