(ВИДЕО) Чешката полиција доби моќно засилување: Конфискуваното Ферари сега ги брка „брзите возачи“

Конкретно, 458 Italia ќе се користи „против најагресивните возачи на чешките автопати, кога ‘летаат’ во украдени возила“.
Кога конечно ќе дојдат под законот, на големите криминалци им се одземаат нелегалните средства, вклучително и скапите автомобили. Многу луѓе се прашуваат што ќе се случи со овие запленети возила подоцна.
Во зависност од земјата, луксузните возила може да се продаваат на аукција или да се уништат. Чешката полиција имала други идеи со Ferrari 458 Italia што го запленила.
Наместо да го уништи италијанскиот суперавтомобил – како што некогаш направила филипинската влада со конфискуваните шверцувани автомобили – полицијата го претворила во нешто покорисно: патролно возило.
Според полицијата на Чешка, модифицираното Ферари почнало да служи како полициско возило во таа земја. Ќе го користи Одделот за специјален надзор на Чешка, а автомобилот ќе го управуваат само специјално обучени полицајци.
Конкретно, 458 Italia ќе се користи „против најагресивните возачи на чешките автопати, кога ‘летаат’ во украдени возила“.

Според соопштението за печатот, полициската управа морала да потроши 340.000 чешки круни (CZK) за да го модифицира Ферарито за нивните потреби, или околу 13.800 евра по тековниот курс. Тоа, велат, е приближно цената на новата Škoda Scala во Чешка.
На таа сума треба да се додадат 130.000 CZK (околу 5.300 евра) потрошени за да возилото се стави во функција откако било чувано 10 години.
Треба да се напомене дека Ферарито имало приближно 2.000 изминати километри кога било одземено.
Чешката полиција тврди дека Ferrari 458 Italia не е највредното или најреткото возило што го добило нивното одделение. Инаку, во 2021 година, Владата на Чешка конфискуваше речиси 900. возила – повеќето од нив беа продадени, а приходите беа искористени за покривање на штетата што ја направил сторителот.

Фото: Принтскрин/YouTube