Под влијание на силен циклон во сабота во Македонија ќе имаме облачно време со врнежи од дожд најпрвин на запад каде ќе има услови и за локална нестабилност проследена со пороен дожд, грмежи и силен ветер.
Најинтензивни врнежи ќе има во текот на утрешното саботно попладне и вечерта како и во текот на ноќта кон недела кога врнежите ќе се прошират насекаде. Локално ќе наврне ГОЛЕМА количина на вода (над 40 л/м2).
Снег ќе паѓа само на високите планини но со оглед на тоа дека температурите ќе опаѓаат ноќта сабота кон недела снежната граница ќе се спушти малку пониско и повремени врнежи од снег ќе има и на повисоките места особено на западот и на северозападот каде снег е можен и на некои од повисоките населени места.
Ќе дува ЗАСИЛЕН повремено и СИЛЕН ветер од јужен и од југозападен правец кој на некои места ќе достигнува брзина од дури преку 95 км/час. Поради оваа ситуација ве советуваме да внимавате каде се движите и вашите автомобили да ги ставате понастрана од дрвја со цел да не дојде до некоја несакана ситуација, најавува Славчо Попоски од meteomax.mk .