Хитмејкерот на „Another love“ издаде нова песна и видео спот за песната „Black Friday“.
Тој пее: „Се е во мојата глава, се е во мојот ум, јас сум толку себичен, ти си толку љубезнa…. Гледам во огледало што ми се случува. Сакам подобро тело. Сакам подобра кожа. Сакам да бидам совршен како и сите други твои пријатели“.
За тоа како настана песната, Том Одел изјави: „Ја напишав оваа песна на мојот роденден минатата година, што се случи еден ден пред „Црниот петок“. Песната е инспирирана од моето восхитување и љубов кон луѓето во мојот животот, но и мојата склоност да бидам нељубезен кон себе. Мислам дека тоа е љубовна песна и многу сум горд на неа и се надевам дека ќе им се допадне на луѓето“.
Новиот сингл „Black Friday“ Том Одел го изведуваше на турнеата што ја имаше оваа година.