Хакерите провалиле во системот за водоснабдување на градот Олдсмар во американската сојузна држава Флорида и се обиделе да ја отрујат водата, изјавил шерифот од округот Пинелас, Боб Гуалтиери.
Како што навел, хакерите далечински пристапиле до софтверот на компјутерот на еден од вработените и ја презеле контролата над другите системи.
Шерифот опишал дека работник во фабриката седел покрај компјутерот кога на екранот се појавил прозорец со предупредување дека се случил неовластен пристап и дека глувчето потоа започнало да ги отвора програмите и да управува со системот самостојно.
Хакерите ја зголемиле количината на натриум хидроксид што се истура во вода во мали количини за регулирање на киселоста, но опасно е кога се консумира во поголеми количини.
Гуалтери изјавил дека работниците брзо успеале да ги запрат компјутерските команди и дека количината на натриум хидроксид што стигнала до водата е минимална.
Фото: Tanjug