Во Националната Опера и Балет, вечерва со почеток во 19:00 часот, ќе биде изведена претставата „Среќен мртовец“ во продукција на Алтернативен Театар Отпишани – Скопје.
„Среќен мртовец“ е сатирична драма за живиот мртовец Живко, кој поради системска грешка добива решение дека починал. Од тој момент животот на Живко се претвора во пекол и борба со нефункционалниот државен систем, бирократија и административни лавиринти.
Преку еден апсурден начин, во својата борба да докаже дека е жив, Живко го соголува до гола кожа државниот апарат и сите негови слабости.
Автор: Марјан Анѓеловски
Улоги: Благој Чоревски, Ирена Илиевска, Марија Лазарова, Ивана Стамевска, Огнен Велевски и Јасмин Рамани.
Цена нa влезница 300 денари.
Билети на: https://www.kupikartizase.com/Events/sreken_mrtovec_mob