ekran платформа за слободоумни
Со особена чест и задоволство би сакале да Ви соопштиме дека претставата „Роња, ќерката на ограбувачот“ од Астрид Линдгрен, во режија на Јакуб Максимов на фестивалот „Новосадски театарски игри” се закити со две награди. Жирито едногласно донесе одлука да и доделиГран при, зашто „претставата е исклучително повеќеслојна во сите нејзини сегменти. Во исто време архаична и модерна, и ги поседува сите потребни карактеристики за првокласна претстава”.
Наградата за најдобра анимација на кукли ја доби нашата актерка Матеа Јанковска која ја има улогата на Роња во истоимената претстава.
Приказната во „Роња, ќерката на ограбувачот“ зборува за мостовите во животот. Драматург е Горјан Милошевски, а во претставата, освен Јанковска, играат и: Ангела Димитрова, Никола Наковски, Катарина Илиевска – Силјановска, Петар Стојанов, Мики Анчевски.
Новосадски театарски игри од 8 до 15 мај 2023 година се одржаа во Нова Сад, Република Србија.
Би сакале да напоменеме дека претставата „Роња, ќерката на ограбувачот“ од денес 16.05.2023 до 18.05.2023 исто така учествува на фестивалот “25.Меѓународен куклен фестивал ЗЛАТНА ИСКРА” во Крагуевац, Р. Србија.
Н.У. Театар за деца и младинци
