ekran платформа за слободоумни
Вечерва во Офицерскиот Дом – КИЦ во Битола со почеток во 19:00 часот ќе биде отворена самостојната изложба на истакнатиот автор Стојан Ѓуриќ од Србија. „Татковина на душата / Завичај душе“.
Стојан е уметник кој својата целосна зрелост и успех ги достигнува со автентична енергија, величествена сила и виталност. Тој слика силно, експресионистички, нанесувајќи дебели слоеви на платното, а неговите бои се светли, речиси исто толку моќни како неговите потези со четка.
Има учествувано во над 200 изложби во Србија и надвор. Неговите дела се наоѓаат во многу јавни и приватни колекции.
