Убиството на Јелена Марјановиќ, српската фол пејачка која е пронајдена мртва на 3. април минатата година, некои медиуми во Србија го нарекуваат тамошен „Твин Пикс“ бидејќи работите секој ден се’ повеќе се „замрсуваат“.
Пејачката е убиена со тап предмет,а нејзиното измасакрирано тело е пронајдено во каналот блиску една населба во предградието на Белград. Нејзиниот сопруг, Зоран Марјановиќ, е уапсен во петокот, година и пол после злосторството, и тоа откако излегол од една риалити програма.
Убиството на несреќната жена српските таблоиди од првиот ден го претвориле во сапуница на која не и се наѕира крајот. Нејзиниот сопруг тврдел дека тие двајца со ќерката отишле на трчање и дека на Јелена од тогаш и се губи секоја трага, а наредното утро била најдена мртва, во близина на местото каде последен пат ја видел.
Нејзиниот сопруг и свекор редовно комуницирале со медиумите и давале чудни и контрадикторни изјви, а во тамошните таблоиди секојдневно излегувале бизарни приказни за семејството Марјановиќ. Се појавиле сведоци кои тврделе дека свекрвата на убиената пејачка ги измамува луѓето и им ги наплатува своите услуги „на лекување“, а многумина зборувале дека целото семејство припаѓа на секта.Во меѓувреме умрела мајката на убиената пејчка, нејзината свекрва е осудена за „надрилекување“, а нејзиниот сопруг се појавил во риалити програма на Пинк телевизија.
Навистина е невозможно да се „пофаќа“сето она што српските медиуми во последната година го објавиле за убиството, кое од повеќе причини е наречено совршен злостор.
Семејството на починатата пејачка, откако сфатиле дека после година и пол му нема трага на убиецот,ангажирале приватни детективи и набргу бил уапсен Зоран Марјановиќ и сега се споменуваат нови сценарија на убиството, а помеѓу останатите и дека Зоран сопругата ја убил во када, во куќата и ја однел во каналот за да неговата приказна за одењето на трчање биде поубедлива.
На Зоран Марјановиќ му е одреден притвор од 30. дена, а наводно биле ангажирани пет адвокати кои ќе го бранат на судот.