Среќен роденден Врчак !!!

Познатиот македонски пејач Раде Врчаковски-Врчак е роден на 17 ноември 1980 година. Во 1999 година излегува неговата прва песна, „И повторно сам“ која е прифатена од публиката. Наскоро излегува и неговиот прв албум, „Како да побегнам од се“ кој исто така е прифатен и брзо распродаден.

Во 2001 година настапува на Макфест со Андријана Јаневска пеејќи ја песната „Ден по ден“ каде го освојуваат 2. место. Во 2003 повторно се појавува на Макфест но овој пат со Роберт Билбилов. Со песната „Тајните ангели“ го освојуваат 3. место. Во 2006 година Врчак повторно се враќа во музичкиот свет со албумот „Во твоето срце“, песните и албумот повторно се прифатени од публиката особено од старите обожаватели на Врчак. Исто така во 2006 се појавува и на Макфест и победува со песната „Седмо небо“, дует со Тамара Тодевска.


Во 2006 ја напиша песната „Нинанајна“ со која Елена Ристевска ја претставуваше Македонија на „Евровизија 2006“ во Атина и го освои 12. место. Неговата слава расте, охрабрен од обожавателите тој се појавува со нови песни во текот на последните месеци од 2006 и целата 2007. Во 2007 повторно настапува на „Макфест“ со Адријан Гаџа со кој ја испејаа песната „Недопирлива“ и освоија награда за најдобар сценски настап. Во 2008 пишува песна за изборот за песна на Евровизија. Песната е насловена „Во име на љубовта“, ја пее со Тамара Тодевска и Адријан Гаџа. Победуваат на изборот и одат на Евровизија, но за жал не успеале да се пласираат во финалето.

Среќен роденден Врчак, ти посакува редакцијата на Екран, а вие слушнете го неговиот голем хит „Повторно Сам“


©EKRAN.MK Вестите на интернет страницата на редакцијата ЕКРАН.мк може да се користат исклучиво за лично информирање. Без писмена дозвола од ЕКРАН или посебен договор, не е дозволено превземање, користење или реемитување на вестите, во спротивно ќе уследи фактурирање на име „плагијат“ во вредност од 20.000 денари.

Видете следно

Хороскоп за утре за сите хороскопски знаци: Прочитајте што не советуваат ѕвездите за утре, 29.02.2024 година, во врска со работата, љубовта и здравјето

Овен Бизнис: Овенот денес би можел да очекува некои важни промени поврзани со планирањето на …