ekran платформа за слободоумни
Во студијата учествувале неколку работници кои биле следени 18. години…
Стрес на работа, лош сон и висок крвен притисок можат да бидат рецепт за рана смрт, известуваат германските истражувачи.
Во студијата учествувале неколку работници со висок крвен притисок кои биле следени 18. години, а оние кои изјавиле дека имаат стресна работа и лош сон имале три пати поголема веројатност дека ќе умрат од срцеви болести од оние кои добро спиеле и кои немале проблеми на работа, откриле истражувачите.
„Дури 50. отсто од возрасните имаат висок притисок. Тоа е главен фактор на ризик за срцев удар, мозочен удар, застој на срцето, болести на бубрезите и прерана кардиоваскуларна смрт. Бројни студии откриле поврзаност помеѓу зголемениот стрес на работа и подоцните ризици од кардиоваскуларни болести. Пореметувањата на сонот се поврзани со зголемен ризик“, вели доктор Грег Фонароу, професор по кардиологија.
Во новата студија истражувачите дошле до заклучок дека меѓу лицата со хипертензија, оние кои имале стресна работа имале двојно поголем ризик од умирање од кардиоваскуларни болести, како и оние кои изјавиле дека имаат само лош сон.
Според водечкото истреажување, др. Карл Хајнс Ладвиг смета дека спиењето би требало да биде време за одмор и враќање енергија. Доколку имате стрес на работа, сонот може да ви помогне да се опоравите, пренесува Health24.
„За жал, лошиот сон и стресот на работа често одат рака под рака, а во комбинација со хипертензија ефектите се уште попогубни“, додал тој во изјавата.
