ШОКАНТНО ОТКРИТИЕ ВО ГЕРМАНИЈА: Момче (15), исчезнато пред две години, пронајдено во орман на педофил!

Германската полиција денеска соопштила дека 15-годишно момче, чие исчезнување било пријавено пред две години е пронајдено во домот на маж осомничен за детска порнографија.
Полицијата во градот Реклингхаузен, во западниот дел на земјата, соопштила дека во претресот на станот на 44-годишниот осомничен маж пронашле тинејџер кој бил во плакарот.

Полицијата навела дека „во моментов нема индикации дека момчето е задржано во станот против негова волја“.
Тинејџерот бил ставен под полициска заштита. Тој живеел во засолниште во блискиот град кога неговото исчезнување го пријавиле социјалните работници во 2017. година.
44-годишниот осомничен е задржан во притвор, а полицијата запленила и електронски уреди од станот во кој живеел.