„Рудар Рок Фест“ по деветти пат во Пробиштип

Вечерва, ќе се одржи деветтото издание на „Рудар Рок Фест“. Овој рок настан ќе се одржи на повеќенаменското игралиште во Градскиот парк во Пробиштип, а истиот се одржува во рамките на културните денови по повод 28 Август – Денот на рударите и големиот христијански празник – Пресвета Богородица.

И оваа година се обидовме да ги заживееме основните карактеристики на овој рок настан од претходните години – хард рок музиката и промовирањето на нови бендови од македонската рок сцена. Па така посетителите ќе имаат можност да уживаат во хард рок, панк и метал звуци на нашите изведувачи, велат организаторите на овој настан.

На овогодинешниот Рудар Рок Фест ќе настапат; „Преку Ред“, „Беседа“, „Прв Ред“, „Ashborn“, „Mamut“ и „Last Expedition“.