Рекордна добивка на лотарија – 195. милиони фунти

Неименуван сопственик на тикет од Велика Британија освоил рекорден џекпот од 195. милиони фунти на лотаријата „Еуромилиони“, објавил организаторот на лотаријата „Камелот“.
Тоа е и најголемата добивка на сите времиња на лотарија која се организира низ цела Европа, објавил „Камелот“, а претходниот рекорд изнесувал 184. милиони фунти во мај оваа година, пренесуваат британските медиуми.
Извлекувањето на броевите за „Еуромилиони“ се одвива два пати неделно, во вторник и петок, а лотаријата се организира во 13. европски земји.
Точната освоена сума на вчерашното извлекување била 195.707.000 фунти.

Пред два месеци Џо и Џес Туит од Глостер освоиле 184. милиони фунти, наведува британската агенција.

Фото: Илустрација