Принцезата Дајана до крајот на животот верувала дека принцот Чарлс ја изневерувал со дадилката на нивните синови, Тиги Лег-Бурк, на која Би-Би-Си сега и плати отштета од околу 200.000 фунти за лагите што ги ширел нивниот новинар Матин Башир.
Никогаш непрежалената принцеза Дијана трагично почина верувајќи дека нејзиниот сопруг, принцот Чарлс, имал афера со дадилката на нивните синови Хари и Вилијам, Тиги Лег-Бурк, што се покажало како невистинито.
Лагата ја пренел новинарот Мартин Башир, а оваа недела Би-Би-Си и плати на Tиги обештетување од околу 200.000 фунти, а тие и’ јавно и се извинија, но и на принцот Чарлс и неговите синови, пишува Дејли мејл.
Во официјалното соопштение на Би-Би-Си, се наведува дека Тиги била жртва на многу сериозни и целосно неосновани обвинувања за аферата со принцот Чарлс, што за жал довело до нејзино прекинување на бременоста. Лег-Бурк рекла дека лагите ја прогонуваат од 1995. година.
И’ иако поранешната дадилка успеала да дојде до правдата, принцезата Дијана почина верувајќи во лагите за неа и принцот Чарлс.
„Се сеќавам кога Дијана ми кажа дека од доверливи извори дознала дека Чарлс има афера и дека се работи за Тиги. Таа се зацрвени и се расплака. Беше многу лута на Чарлс и им рекла на синовите да престанат да разговараат со Тиги. Дијана умре верувајќи дека тоа е вистина. Да беше жива сега, сигурно ќе и беше жал. Но Башир ја направи параноична за се и секого. Тоа е една од најдобро одиграните измами во историјата“, изјавил поранешниот психијатар на Дијана, Симон Симонс за The Sun.
Тиги била ангажирана од самиот принц Чарлс во 1993. година, набргу откако тој и Дијана се разделиле. Таа ги придружувала Вилијам и Хари на семејните одмори и создала многу блиски односи со нив, а и двајцата биле гости на нејзината свадба во 1999. година. Во 2018. година, таа присуствувала на свадбата на принцот Хари и Меган Маркл, а била кума на нивниот син Арчи.
Фото: Архива