Со голема тага ја примивме веста дека не напушти доајенот на македонската музика и детска песна, маестро Александар Џамбазов. Детскиот фестивал Поточиња загуби голем поддржувач кој со своите совети на самите почетоци помогна во развивање на фестивалот. Особена гордост е што како автор во опусот песни на Поточиња се наоѓа и нашиот драг маестро.
Долги години беше неизоставен гостин на Поточиња, а неговите пофалби и поддршка ни даваа мотив да продолжиме да ја развиваме музичката култура и детската песна во Македонија.
Од името на Детскиот фестивал Поточиња и целиот тим изразуваме сочувство до семејството. Почивај во мир наш драг маестро!
Мирослав Пап, композитор и извршен продуцент на Детскиот фестивал Поточиња