Анита Поинтер, членка на познатата поп и R’n’B група The Pointer Sisters, починала во саботата на 74-годишна возраст од рак, објави нејзиниот портпарол Роџер Нил, а пренесоа американските медиуми.
Поинтер починала во својот дом во Беверли Хилс, а до последен момент биле покрај неа членовите на семејството.
Двете сестри на Анита починале пред неа. Бони починала минатата година на 69. години, а Џун во 2006 година на 52 години.
Групата The Pointer Sisters ја сочинуваа четири сестри – Бони, Анита, Рут и Џун, а пред да станат познати заедно пееле во црквата на нивниот татко во Окленд.
Нивните најпознати хитови се „I’m So Excited“ и „Jump (For My Love)“.
Тие освоија три Греми, од кои едното беше за песната „Fairytale“ од 1975 година. Песната ја напишале Бони и Анита, а подоцна ја снимил и Елвис Присли.
Анита беше втората најстара од четирите, која започнала да настапува во 1969 година како дуото Џун и Бони. После тоа, им се придружила Анита, која ја напуштила работата како секретарка, и на крајот Рут, која станала дел од составот на нејзините сестри.