ekran платформа за слободоумни
На 25 ноември 2022/ петок/ во ликовната галерија од ЦК „Марко Цепенков“ од 19.00 ч. ќе биде отворена изложбата на дела од 14 –та колонија Марко Цепенков Дрен 2022, што Центарот ја реализираше од крајот на јуни до почетокот на јули.
Ќе бидат изложени шест скултури и 30-тина слики што во еднонеделната дружба ги создадоа 22 уметници учесници на колонијата.
Прилепските љубители на ликовната уметност ќе ги проследат делата од Мирослав Живковиќ од Србија, Стефан Анчевски, Бане Наумоски, Росица Лазеска, Олгица Антовска, Богданка Барутовска – Бони, Филип Јовески, Бојана А. Трпчевска, Ибрахим Беди, Дамјан Ѓуров, Елена Ѓурова, Слободан Милошески, Филип Перески, Марјан Стојаноски, Павлина Илијеска, Верче Николоска, Методи Исков, Александра Богоеска, Викторија Димеска, Александар Џинго, Сарита Конеска, Славчо Павлески….
Ликовната колонија „Дрен 2022“ се одржа со финансиска поддршка на Министерството за култура.
Досега на колонијата, во изминатите 13 години, создадени се над 370 дела кои се во трајно наследство на Центарот и на државата.
