ekran платформа за слободоумни
Во Europe House Скопје, денес, со почеток во 18:30 часот, ќе се одржи новото издание на Детскиот книжевен клуб со Ана Голејшка Џикова: другарството помеѓу нас и другите, нашата слобода и слободата што им ја даваме на другите.
Низ прекрасно напишаниот роман „Магла“ на Марта Палацези, ќе се запознаеме со Клеј, момче кое живее како валкан бандит, но кога ќе дојде циркусот во градот, тој има само една висока цел: да го ослободи волкот, последниот преостанат примерок во Обединетото Кралство.
Низ бунтовничката тема за слободата и ослободувањето, односот кон животните, но и луѓето околу нас, со тинејџерите од книжевниот клуб ќе пробаме да напишеме едно ново видување – како тие ја доживуваат личната слобода и што значи таа за нив.
Романот е издаден од издавачката куќа Сказнувалка, а преведен на македонски од Ирина Талевска.
Работилница е наменета за деца на возраст од 12 до 16 години.
