НАЈЧЕСТИ МИТОВИ ЗА СТАРЕЕЊЕТО: Со годините не се сите работи за фрлање

Современите научни студии ги отфрлија најпопуларните медицински митови за стареењето.
Речиси сите медицински митови за стареењето лесно се откриваат. Многу луѓе веруваат дека со возраста неизбежно стануваат инвалиди, нивниот живот повеќе нема да биде активен, страстен, туку само досаден и полн со хронични болки и разни физички проблеми. Некои аспекти на физичкото и менталното здравје, се разбира, можат да се намалат како што старееме, но ниту еден од митовите, дискутирани подолу, неизбежно не се случува на сите.

Истражувањата покажале дека позитивниот поглед на стареењето и исполнетиот живот воопшто ќе ви помогнат да живеете подолго и да останете здрави до седумдесеттите, осумдесеттите, дури и стотите!

Ова се 6 вообичаени митови за стареењето.

Мит 1: Секој ќе доживее пад на физичката сила како што ќе старее.
Луѓето често доживуваат намалена мускулна сила, зголемен крвен притисок, прекумерна акумулација на маснотии и остеопороза како што стареат. Но, често тоа е поради нашето однесување, а не поради возраста.
Истражувањата покажале дека можете да одржите добра кардиоваскуларна функција и соодветна мускулна сила со редовна програма за вежбање. И’ мажите и жените можат да ја намалат смртноста преку редовно вежбање, дури и во старост.

Мит 2: Постарите луѓе не можат да вежбаат
Постојат неколку причини зошто постарите луѓе престануваат да се занимаваат со спорт или се плашат да почнат да тренираат од нула. Луѓето се оправдуваат дека артритисот (воспаление на зглобовите) ќе им се влоши од вежбањето и дека ќе ги болат нозете.
Но, студиите го покажале спротивното: функцијата на зглобовите се подобрува, а болките во зглобовите после вежбање значително се намалуваат како што телото се прилагодува, мускулите на телото стануваат посилни, а помала е веројатноста дека постарата личност ќе падне и да се повреди. Срцето и белите дробови ги подобруваат своите функции, а размислувањето значително се подобрува. Вежбањето го зголемува нивото на HDL холестерол, што го намалува ризикот од срцев удар и мозочен удар.