„Мел фест талент шоу: Ѕвезда број 1“ – Погледнете кои кандидати поминаа во следниот круг

Минатата недела во 21 часот се одржа првата гала вечер на „Мел Фест талент шоуто: Ѕвезда број 1, кое се емитува на „1 ТВ”, а жирито одлучи 11. натреварувачи да поминат во следниот круг.

Кристијан Маркоски, Александра Дрогришка, Славица Ангелова, Сабина Мустафче. Зоран Милорадовски, Сара Гигова, Наталија Нешковиќ, Анлега Илиева, Емилија Трајкоска, Нино Наумовски и Елени Аврамовска, се кандидатите кои ќе се борат за албум и стан во Скопје.

Жаре Бербер и Нина Деан ја имаа улогата на водители за време на галата, додека кандидатите ги оценуваше жири комисијата составена од Елена Петреска, Александар Масевски, Сергеј Варошлија и новинарката Валентина Тодоровска – Вања, додека продукциското жири беше составено од Пеце Стојкоски, директор на „Мел Фест“ и Бане Поповиќ.

„Првата гала вечер помина убаво. Музичката борба веќе започна, а ние ги добивме и првите полуфиналисти. Сакам да изразам благодарност до сите кои го поддржуваат овој нов музички проект на фестивалот „Мел Фест“ и очекувајте до самиот крај уште многу изненадувања“, вели Пеце Стојкоски.

Оваа недела очекувајте ја втората гала вечер во 21 часот.