Греми наградите, закажани за 31 јануари, се одложени поради ширењето на коронавирусот во Лос Анџелес, објавија списанијата „Ролинг Стоун“ и „Варајети“.
Двете списанија се повикуваат на голем број извори според кои церемонијата на доделување на наградите за музичката индустрија може да се одржи во март, околу 14..
Recording Academy,, која ги организира Греми наградите, сè уште не го потврдила тоа.
Лос Анџелес се соочува со нагло зголемување на бројот на болни и мртви, и преоптоварен болнички систем, а затворени се и спортските сали, фризерниците и рестораните.
Минатата година, организаторите на Греми објавија дека бараат нов начин на одржување на церемонијата, без публика и црвен тепих.
Потоа пак објавија дека размислуваат за организирање индивидуални настапи на отворено на различни локации наместо во салата на „Стејплс центарот“ во центарот на Лос Анџелес.
Фото: grammy.com