ekran платформа за слободоумни
Андора, мала земја во подножјето на Пиринеите, позната по своите скијачки центри, има 75% помалку туристи поради пандемијата на коронавирусот отколку во истиот период минатата година, така што многу продавници и хотели се затворени, а жителите се загрижени за работата.
„Како воопшто влеговте тука?“, прашува вработен во туристичка организација во срцето на Андора ла Вела, главниот град на државата.
Во тоа време, локалните скијачки центри би биле преполни со гости од Шпанија и Франција, двете земји околу Андора, но сега само локалното население може да се искачи на Пиринеите. „Тоа е една од мерките за сузбивање на ширењето на вирусот“, објаснува вработениот во интервју за Хина.
View this post on Instagram
На градското шеталиште покрај реката Гран Валира поминуваат само неколку стари лица, иако е сончев ден и температурата е пријатна. Десетици продавници со луксузна стока, како што се часовници, накит и облека, се редат на главната улица, но нема кој да ги погледне.
„Веќе со денови имам двајца, најмногу тројца гости на ручек“, вели продавачот на ќебапи Мухамед додека го чека првиот гостин. „Барем ни е дозволено да работиме“, додава тој.
Андора, земја со околу 77.000 жители, во јануари ја посетиле 7.000 регистрирани гости, што е за 75 проценти помалку од истиот месец минатата година, според локалниот туристички одбор.
View this post on Instagram
На Французите им е дозволено да влегуваат само со негативен резултат од тест за коронавирус, додека од Каталонија, од шпанската страна на границата, на жителите не им е дозволено да патуваат без добра причина, како на пример одење на работа.
Автобусот доаѓа двапати на ден од Барселона, но во него има малку патници. “Не е ништо. Вака е веќе подолго време, сè е запрено”, вели возачот на тамошната компанија „Надал“.
Кнежевството Андора не е членка на Европската унија, а на мал граничен премин, полицаец влегува во автобус и ги проверува документите на патниците. Внатре има само прекугранични работници и девојче што се враќа дома од Шпанија.
Ана, 65-годишна продавачка на сувенири, ја одржува продавницата отворена затоа што, како што вели, „можеби некој ќе наиде“. Таа нуди декоративни магнети со попуст. Пред една година стотици луѓе поминале покрај излогот на нејзината продавница, но сега никому не му требаат изложените разгледници.
View this post on Instagram
Андора е единствената независна држава во која каталонскиот јазик е официјален јазик, а на улиците се зборува шпански и француски. Португалците со децении се исто така многубројни затоа што доаѓаат како емигранти во потрага по работа. Трговијата и туризмот сочинуваат 60. проценти од БДП на земјата, иако и финансискиот сектор игра важна улога.
„Ако добијам добра понуда, ќе го продадев сето ова“, вели сопственикот на куќата, на чие приземје има кафе со тераса и хостел на четири ката. Поради пониските цени и рок музиката што ја пушта до полноќ, барот е полн. Сепак, само две соби се изнајмуваат во хостелот.
„Ние сме загрижени. Ќе видиме дали ќе биде можно слободно да патуваме во текот на летото”, вели туристичкиот работник.
„Низ историјата, се навикнавме на патници, на гужви, што е нормално затоа што сме помеѓу две големи земји. Сепак, сега на овие наши планини во подножјето владее тишина”, додала.
Фото: Instagram
Ekran.mk/Index.hr
