ekran платформа за слободоумни
Вечерва во Културниот центар Везилка во Битола, со почеток од 21:00 часот свој настап ќе имаат „War Engine“ од Нови Сад, Србија.
„War Engine“ е спој на хардкор и треш метал, бенд од Нови Сад, Србија, формиран во 2009 година. Во 2011 година, го објавуваат своето прво ЕП, „Chemical Warfare“, кое беше проследено со објавувањето на EP „Machete“ во 2012 година. До крајот на 2012 година го издаватат својот деби албум „Adrenaline Rush“, зацврстувајќи го своето присуство во метал сцената. Низ годините бендот претрпува неколку промени и ротации во поставата и од петчлена постава, денес War Engine е моќно трио кое го сочинуваат: Душан Мијолиќ на гитара и вокал, Милан Пејанац на бас и придружни вокали и Стефан Станиќ на тапани.
По неколку години активни настапи во живо, турнеи, објавување cинглови и музички спотови, War Engine го објави својот втор целосен албум „The Verdict“ во 2017 година. Пет години подоцна
го издаваат својот трет студиски албум ,, Декаденција” кој што моментално го промовираат на претстојната турнеа.
Влезницата за настанот е 200 денари.
