Изложба и концерт “НИЕ, ЛУЃЕТО” во рамките на проектот за вклучување на лица со интелектуална попреченост во културата

Изложба и концерт со наслов “НИЕ, ЛУЃЕТО” ќе се одржи во Центарот за култура во Ѓорче Петров од 19 часот на 4 ноември 2023 година, а изложбата ќе продолжи во НГМ Мала станица од 06 до 11 ноември 2023 година.

Проектот „Кампања за вклучување на лица со интелектуална попреченост во културата и општествениот живот -НИЕ, ЛУЃЕТО“ е инспирација од делото „Ние, врапчињата“ на авторот Јордан Радичков.

На музичкиот концерт ќе настапат: лицата со интелектуална попреченост од ЦПЛИП – Порака Скопје, учениците со типичен и атипичен развој од училиштата од Ѓорче Петров, а како гости музичари ќе учествуваат: Билјана Весковска, Драгана Марковиќ, Александра Таневска, Ева Малин, Ема Ананиевска, Дино Рамо, Дејан Спасовиќ, Симон Киселички, Златко Митрески, Хана Корнети и Тома Димовски.

На изложбата ќе бидат изложени фотографии кои се изработени од лицата со интелектуална попреченост од ЦПЛИП Порака Скопје и учениците со типичен и атипичен развој од училиштата од Ѓорче Петров.

Проектот е во реализација на Центарот за изведувачки уметности и едукација Театар Пи, а по идеја и концепт на Македонка Илиевска Митреска и Златко Митрески.