ekran платформа за слободоумни
Следењето на она што го јадете и пиете игра важна улога во намалувањето на високиот крвен притисок. Една намирница особено може да ви помогне да го решите овој здравствен проблем.
Бананата е на прво место кога станува збор за овошјето кое има способност да го намали крвниот притисок, изјавила нутриционистката Британи Дан за списанието Eat This, Not That.
Бананите се богати со калиум, кој ги намалува негативните ефекти на натриумот врз телото. Калиумот, исто така, помага да се намали ризикот од мозочен удар и срцеви заболувања. Една мала банана содржи приближно 420 мг калиум.
Оваа намирница содржи и голема количина на други електролити, кои ја одржуваат работата на нервниот систем и го регулираат нивото на телесните течности. Значи, во електролитите спаѓаат: калциум, магнезиум, натриум, калиум и хлориди.
Меѓутоа, треба да имате на ум дека е важно да се пронајде златната средина. Јадењето премалку калиум и премногу натриум всушност го зголемува крвниот притисок. Возрасните треба да добиваат 3.500 – 4.700 мг калиум и 2.300 мг натриум дневно.
