Утрово на Инфективната клиника во Скопје почина Драган Вучиќ, познатиот музичар и водител. Според неофицијали информации Вучиќ, како што изјавил неговиот син Мартин, починал како последица од компликации на вирусот Ковид-19.
На Инфективната клиника, Вучиќ кој бил дијабетичар бил цела недела, со висока температура и со покачен шеќер. Од блиски на семејството Вучиќ, се дознава дека позитивна на вирусот е и е неговата сопруга Весна, која за сега немала никакви симптоми.
Вучиќ е роден во 1955. година во Скопје. Автор е на многу хитови меѓу кои „Свирете ја зајди зајди“ на Олгица Христовска. Беше автор на талент-шоу проектите „Вашите 5 минути“, и „Мак ѕвезди“ и на многу квизови.