Хуманитарен концерт во чест на Климентина Рафајловска вечерва во КИЦ

Вечерва во Салон 19:19 во Културно Информативниот Центар во Скопје со почеток во 19:00 часот ќе се одржи хуманитарен концерт во чест на Климентина Рафајловска (1977 – 1994).

Овој концерт нека биде потсетник за свесноста за борбата против ракот, преку ликот и делото на Климентина Рафајловска, нека не потсети на сите кои во моментов се соочуваат со предизвиците на оваа тешка болест.


Во духот на сочувство и солидарност, овој концерт нека биде зрак на убавина, надеж и утеха во исто време, а музиката со својата исцелителска моќ нека биде сила за позитивна промена во нашите срца.

Придружете ни се на незаборавна музичка вечер во духот на хуманоста и во сеќавање на Климентина Рафајловска која ги разубави животите на многу луѓе.


Здружението ХЕМА-ОНКО, непоколебливо во својата поддршка и посветеност на болните од рак, Ве повикува да ја почувствувате исцелителската моќ на музиката на овој посебен настан, оддавајќи и почит на нашата Климентина чие патување на овој свет, за жал премногу рано заврши.

©EKRAN.MK Вестите на интернет страницата на редакцијата ЕКРАН.мк може да се користат исклучиво за лично информирање. Без писмена дозвола од ЕКРАН или посебен договор, не е дозволено превземање, користење или реемитување на вестите, во спротивно ќе уследи фактурирање на име „плагијат“ во вредност од 20.000 денари.

Видете следно

Кинотека во рамки на проектот „Сезона на филмски класици“ ќе го реставира филмот „МИС СТОН“

Кинотека ова година ќе го реставира филмот МИС СТОН на Жика Митровиќ, во рамки на …