Утревечер со почеток во 20:30 часот во Македонскио Народен Театар, гостува претставата „Љубовна терапија“ на НУЦК „Трајко Прокопиев“ од Куманово.
Режисер: Драгана Таневска
Играат: Марко Трајковиќ, Владанка Крстевски, Жарко Јовановиќ, Александра Михајловска, Никица Јанковски к.г., Матеј Стојковски к.г.
Драматург: Симона Тоскиќ
Сценограф: Крсто Богојевски
Костимограф: Драгана Таневска
Во претставата „Љубовна терапија“, работена според оригиналниот наслов „Beyond therapy” на Кристофер Дјуранг, е обработена љубовта како индивидуална потреба, љубовта (не)споделена, љубовта во и вон семејството, каде преку апликации за запознавање и тераписки средби на комичен начин се запознаваме со карактерите на ликовите и нивните меѓучовечки односи. Знаејќи за тоа колку е важно љубовта да е взаемна, се наметнува прашањето дали самата љубов може да биде терапија и дали терапиите можат да ја подобрат љубовта помеѓу поединци и поголеми човечки маси. Од друга страна, ако љубовта е двигател на светот, тогаш дали едно вперување на пиштол може за момент да го сопре неговото движење и да остави последици? Одговорите на сите овие прашања ги наоѓаме во претставата „Љубовна терапија“ во режија на Драгана Таневска.
Билетите се пуштени во продажба онлајн преку www.mnt.mk и на билетарницата во МНТ, по цена од 500 денари.