(ФОТО) Залиена пита со месо и јогурт

Посочна отколку што сте мислеле дека може…
Македонската трпеза не би била тоа што е кога на неа не би имало вкусна пита. Ви ја препорачуваме оваа залиена пита со месо и јогурт која во Турција е предјадење број 1.
Состојки: 500 г мешано мелено месо, 1 голема главичка кромид или две помалечки, 100 мл масло, 1 лажица сув зачин,1/2 лажичка сол, 200 мл јогурт, 3 јајца, 400 мл вода, 500 г подебели кори за пита.
Подготовка: кромидот исечкајте го ситно, додајте масло и неколку лажици вода, па динстајте, потоа на средна температура малку испржете. Додајте го месото и 200 мл вода па се’ заедно динстајте додека водата не испари. Додека се динста додајте сув зачин, црн пипер и сечкан магдонос.
Посебно подгответе ја смесата за заливање: изматете ги јајцата со малку сол па додајте јогурт и вода и се’ измешајте.
Тавата за печење намачкајте ја со масло, на дното ставете 3 кори, па насекаде малку месо. Повторно три кори и месо, се’ додека не завршите. Помеѓу секоја кора мачкајте со малку масло. Со остар нож исечете ја питата па полијте со сместа од јајца и јогурт. Протресете ја тавата, смесата секаде да навлезе.
Рерната вклучете ја на 200 степени а за тоа време оставете питата да ја впие смесата.
Печете додека не добие светло кафеава боја, околу 30 – 40 минути. Испечената пита намачкајте ја со смеса од 2 лажици вода и 2 лажици масло, оставете да се излади. Питата повторно сечете ја како првиот пат и послужете.