ekran платформа за слободоумни
Амал добила шанса прва да носи модел од најновата колекција на позната креторка. Ексклузивност која им е овозможена на малкумина избрани!
После една малку подолга деловна, јавна пауза, убавата Амал се вратила на своите обврски – секако во голем стил.
На јавна расправа, одржана во петокот во градот Сан Хозе во Калифорнија по повод случувањата „Watermark Conference for Women”, згодната бринета која го освоила срцето на глумецот Џорџ Клуни, и овојпат покажала дека нема конкуренција во деловна и модна атмосфера. Едноствно нема.
Британската адвокатка повторно успеала да шармира со своето импресивно деловно издание, кое на стилски и моден познавач како Амал им пркосел на конзервативните, здодевни деловни изданија кои обично ги чинат панталони и палто – синоними за облекување на правниците.
Меѓутоа, во модното досие на ангажираната адвокатка, облеката е потполно поинаква и е пример на елеганција, женственост и одмереност. И поради тоа не не изнендува што како таква е инспирација на многу вработени жени ширум светот.
За конференцијата, самоуверената госпоѓа Клуни, избрала тесна креација на дизајнерката Дајана вон Фурстенберг, со геометриски „оп-арт“ дезен. Игра на жолти и црни линии, ромбови и кругови, со должина малку под колената, јака со зебра дизајн и каиш околу струкот претставуваат смел спој на ретро и модерни елементи.
И во „beauty” сферата убавата Амал ја продолжува винтаж играта и стилскиот експеримент – пуштена, нежно навиткана коса по узорот на стариот Холивуд има црвенкаст отсјај и создава умерен контраст со комбинацијата на облекување,но и целина која е полн погодок за ваква пригода.
