ekran платформа за слободоумни
Потребно е:
200 г сланина
маслиново масло за пржење
2 страка праз, ситно исечкан
4 јајца
4 лажици полномрсна павлака
100 г гриер,ситно рендан
2 лажици сечкан магдонос
морска сол
мелен црн пипер
Тесто:
200 г обично брашно
малку сол
100 г путер, на собна температура
Подготовка:прво подгответе го тестото – исејте го брашното и ставете со солта во соодветен сад. Со прсти втријте го путерот, измешајте со брашното.Тестото треба да биде лесно и воздушесто.Кога ќе личи на фини лебни трошки соберете го на работна површина додека не се формира мазна,цврста топка. Завиткајте во прозирна фолија и оставет во фрижидер на 20 минути.
Загрејте ја рерната на 200 степени. Калап за печење сообем од 25 см и страници што се вадат намачкајте со путер.
Со брашно наросете работна површина и тестото расукајте го на дебелина на паричка (околу 3 мм.). Со тестото обложете го подготвеното тавче, по дното и страните. Со вилушка избоцкајте го дното и повторно префрлете во фрижидер на 10 минути. Изладеното тесто покријте го со хартија за печење и наполнете со кермачички топчиња, грав или ориз. Ставете во загреана рерна и печете десетина минути додека тестото не добие златно – црвена боја. Исечете го одвишното етсто со остар нож и оставете на страна.
Во меѓувреме исечкајте ја сланината и во голем тиган пржете 3 – 4 минути додека не ја промени бојата и не стане скоро крцкава.Додајте го празот и сотирајте 3 – 4 минути додека не омекне и убаво се испржи. По потреба исцеете ја одвишната маснотија.
Сланината и празот (без масло) ставете ги во соодветен сад, додајте ги јајцата и павлаката, зачинете со сол и црн пипер, вмешајте 3/4 од гриерот а потоа додајте и магдонос. Пробајте и по потреба зачинете. Смесата истурете ја врз тестото од кое ја отстранивте хартијата и оризот.
Израмнете и по порвшината наросете го останатиот гриер. Ставете повторно во рерна загреана на 200 степени и печете 15 – 20 минути додека кишот не добие златно – жолта боја.
Извадете го кишот од рерна и почекајте малку да се излади пред сервирање.
