(ФОТО) НЕОЧЕКУВАН ИЗБОР – Старица од Аризона која наполнила 101. година ја открила својата „тајна“ на среќен живот

Мери Флип од Аризона наполнила 101. година, а за NBC открила дека текилата ја смета за „тајна“ за среќен живот.
NBC 15 објави дека Мери Флип од Чендлер, Аризона, која ја преживеала Големата депресија, повеќе војни и родила шест деца, верува дека уживањето во мексиканскиот алкохолен пијалок е сигурен начин да се обезбеди долг живот.
На 18-годишна возраст, Мери се преселила во Мексико, каде го негувала својот афинитет за текила и живеела како како ранчерка. 101-годишната жена открила дека ги изгубила мајка си и сестра си на млада возраст и оттогаш е сама.
Но, набргу откако се преселила во Мексико, го запознала својот сопруг. Таа се вратила во Чикаго кога била бремена со своето прво дете, каде што ја сменила кариерата и станала почитувана уметница препознаена од Школата за уметност во Чикаго.

We're happy to take her word for it. Mary Flip survived a world war and the Great Depression and claims tequila is the key to living for a long time.
READ MORE: https://t.co/zpA08n45Fz#TheProjectTV pic.twitter.com/bBLQEXHTWE

— The Project (@theprojecttv) November 9, 2022

„Навистина сакам да цртам. И можев да сфатам дека работите се менуваат дури и додека ги цртате. Така, можев да ги развијам и да изгледаат реално. Ми требаше време, но немав што друго да правам освен да одгледувам еден куп деца“, рекла таа за NBC.
За време на прес-конференцијата, Мери го прославила својот роденден со стил почестувајќи се со нејзиното омилено пиво: Гинис. Додека нејзиното семејство и пријателите танцувале околу неа, таа се пошегувала: „Ах, ќе станам на масата“.
Покрај оваа баба, се чини дека многумина гарантираат дека алкохолот е еликсир за долг живот.
Слично на тоа, кога најстарата жена на светот, Лусил Рандон, позната како сестра Андре, наполнила 118 години во април, таа рекла дека една чаша вино на ден го оддалечува докторот од вас.

Фото: Принтскрин/Twitter