ekran платформа за слободоумни
Синоќа во Неготино, под покровителство на центарот за култура „Ацо Ѓорчев“ се одржа традиционалниот џез фестивал „Jazz 1440“ – Неготино 2020.
Неготино веќе традиционално секоја година го одржува овој фестивал, но оваа година поради ситуацијата со корона вирусот фестивалот се оддржа на платото пред Центарот за култура, „Ацо Ѓорчев“ во Неготино.
Променливото време не ги спречи љубителите на музиката да присуствуваат на фестивалот на кој учествуваат „Филип Стевановски Бенд“, „Бонга бенд“ и Ѓоко Ѓорчев…
Како што ни рекоа актерите на оваа фестивалска вечер мило им е што Центарот за култура ја продолжува традицијата и во ова време на корона вирусот, како и дека имаше голем интерес кај неготинчани кои ниту дождот не ги „избрка“ од платото пред Центарот каде оваа година, поради веќе ограничувачките мерки за социјална дистанца, беше одржан фестивалот.
