ekran платформа за слободоумни
Хлорофитумот е растение кое го прочистува воздухот во просторијата.
Хлорофитум, или зелен лилјан, е повеќегодишно растение и се одржува многу лесно.
Тоа е целосно растение кое не бара посебна нега, и е многу отпорно на сите услови – толерира високи и ниски температури, како и места каде што нема доволно сонце, а ниту сушата не му пречи.
„Во зима може да издржи температура до 7. степени, додека во лето се чува во простории околу 26. степени“
Хлорофитум е прекрасна висечка билка со долги и тесни лисја со зелена или светло зелена боја. Цветните стебленца се долги со ситни бели цвеќиња во облик на sвезда на краевите.
Како се одгледува хлорофитумот?
Хлорофитумот пообилно се залива во пролет и лето, и доколку е потребно секој ден, ако почвата апсорбира побрзо, а повремено треба да се прихрани со благ раствор на ѓубриво.
Во зима, наводнувањето се намалува на еднаш неделно, а за да напредува подобро во текот на зимата, треба да се тушира еднаш месечно со млака вода поради миење на прашината од површината на лисјата.
Може да се одгледува и во „водена култура“ – во контејнер со вода и камења, а ако се одгледува во земја, потребно е да се пресади кога грмушката ќе стане преголема за садот во кој се наоѓа моментално и коренот почнува да излегува од дното на садот.
Зошто е корисен хлорофитумот?
Хлорофитумот е природно средство за дезинфекција, бидејќи апсорбира 95. проценти од јаглерод диоксидот од просторијата и голема количина формалдехид, кој се ослободува од чадот од тутун, или со испарување на бои, лакови и други средства за дезинфекција.
„Еден хлорофитум е доволен за прочистување на воздухот во просторија до 20. квадратни метри“
Бидејќи Хлорофитумот е повеќегодишно растение, неговиот животен век може да биде до десет години, доколку се одгледува правилно.
Фото: Принтскрин: Jutjub/Roo Seadon
