ekran платформа за слободоумни
Баша Мукерје, крунисана Мис на Англија во 2019. година, се вратила во Велика Британија за да ја продолжи кариерата како лекар за време на пандемијата на коронавирус.
Мукерје направила пауза во кариерата како помлада докторка, откако се натпреварувала за „Мис на светот“ во декември 2019. година. Таа ја претставувала Англија на натпреварувачката по победата во Мис Англија.
Убавицата била поканета да биде амбасадор за повеќе добротворни цели.
„Бев поканета во Африка, Турција, потоа во Индија, Пакистан и неколку други азиски земји да бидат амбасадор за разни хуманитарни работи“, изјави таа за Си-Ен-Ен.
На почетокот на март, оваа 25. годишна возраст заминала во Индија во име на Лионс клубот, Ковентри Мерсија, развојно и социјално здружение на кое била амбасадор. Тие посетиле бројни училишта на кои донираале прибор и дале пари за домовите на напуштените девојки.
Но, како што се влоши ситуацијата со коронавирусот во Велика Британија, Мукерје добила пораки од поранешни колеги во болницата „Пилгрим“ во Бостон, источна Англија, кажувајќи и колку е тешка ситуацијата за сите нив. Потоа, таа стапила во контакт со управата на болницата за да им каже дека сака да се врати на работа.
Таа за Си-Ен-Ен изјавила дека е погрешно да се носи круната на Мис Англија, дури и за хуманитарна работа, додека луѓето ширум светот умираат од коронавирус.
“Кога ќе ја завршите целата оваа добротворна работа во странство, сеуште се очекува да ја ставите круната, да се подготвите, да изгледате убаво. Но, сакав да се вратам дома. Сакав да дојдам и да одам на работа веднаш”, рекла Мис на Англија.
Таа се специјализирала за респираторна медицина, но рече дека лекарите во моментот се ротираат каде е потребно. Пријавени се повеќе од 50.000 случаи на нов коронавирус во Велика Британија.
