Македонската уметничка, Маја Павловска (Маја Ангел), е добитничка на меѓународната награда „Барселона“, избор на познатите светски кустоси кои ја препознаа и наградија нејзината уметност…
„Драго мое семејство и пријатели,
Многу сум горда што можам да објавам дека добив награда, именувана како Меѓународна награда БАРСЕЛОНА.
Наградата е за вредноста на делата на уметниците и за нивните уметнички заслуги.
МЕЃУНАРОДНАТА НАГРАДА БАРСЕЛОНА се одржа во „МЕАМ“ (Европски музеј за модерна уметност во Барселона), лоциран во срцето на шпанскиот град, на 19 ноември 2022 година, во Салата на Музејот МЕАМ. Се одржа ВИДЕО ИЗЛОЖБА што траеше од 18 до 20 ноември на која беа прикажани наградените уметнички дела.
Јас учествував со дигитална уметничка слика, насловена “The great awakening” – 2022 („Големото будење“ – 2022).
Ова е една од најпрестижните и најважните уметнички награди за кариерата на уметниците, доделена во срцето на Барселона.
Овој уметнички настан е објавен во списанието Art International Contemporary, во бројот за месец септември/октомври, каде што е реализиран и воведен дел посветен на Меѓународната награда на Барселона; како и објавувањето на уметничките дела на избраните уметници.
Наградата се доделува на оние уметници кои се избрани од познатите меѓународни кустоси г-дин Салваторе Русо и Дот Франческо Саверио Русо.
Почитувани Салваторе и Франческо, многу ви благодарам што ја препознавте и наградивте мојата уметност! 🥰🤗❤️“, напиша Маја на својот профил на Фејсбук каде редовно објавува свои слики…
Фото: Принтскрин/Facebook