(ФОТО) Додека позирала за Инстаграм, ајкула ја каснала за рака!

Манекенката и студентка, Катрина Зарутски, на островот Станиел Кеј на Бахамите, пливала заедно со „nurse” ајкулите, меѓутоа додека позирала за Инстаграм, една ја каснала за рака и ја повлекла во длабочините.
Катрина, која првпат имала искуство на пливање со овие ајкули кои ги сметаат за безопасни по луѓето, во оваа ситуација останала смирена. Бргу ја извадила раката од водата за да крвта не ги привлече и’ другите ајкули.

Во разговор за Би-Би-Си открила дека била многу уплашена, но била свесна дека мора да се смири за да излезе неповредена од водата.
„Среќна сум што уште ја имам раката“ рекла и додала дека имала среќа што морскиот пес ја гризнал само за тој дел на телото.
Таа објаснила дека влегла во вода со ајкулите бидејќи видела дека локалното население ги храни, поради што и се видело сигурно да плива со нив.