ekran платформа за слободоумни
Бред Пит дебитирал како скулптор оваа сабота на групна изложба во уметничкиот музеј Сара Хилден во Тампере, Финска.
Делата на познатиот актер се појавуваат заедно со керамиката на музичарот Ник Кејв и делата на уметникот Томас Хаусаг по повод изложбата „We“ („Ние“) која ќе биде отворена до 15. јануари 2023. година.
Деветте дела на Пит на изложбата вклучуваат голема гипсена плоча што претставува пукање, како и серија силиконски скулптури во облик на куќа, од кои секоја е погодена со куршуми од различен калибар.
„Ова е за саморефлексија. Се работи за тоа каде сум згрешил во односите, каде сум соучесник“, рекол Пит на отворањето.
View this post on Instagram
„За мене ова произлезе од она што јас го нарекувам радикален самоинвентар, станувајќи навистина брутално искрен со себе и земајќи ги предвид оние кои можеби сум ги повредил и моментите во кои згрешив“, објаснил 58-годишниот актер.
Актерот, наводно, се испробал во грнчарството по разводот со Анџелина Џоли, поминувајќи до 15. часа дневно во студиото на Хаусаг во Лос Анџелес во 2017. година. Тој изјавил за GQ во август дека не го смета неговото практикување на керамиката за уметност, туку „само, многу тивок и тактилен вид на спорт“.
Фото: Принтскрин/Instagram
