ekran платформа за слободоумни
Кали и Ноел Шелдон, близначките кои ја играа преслатката ќерка на Рос и Рејчел во деветтата и десеттата сезона на „Пријатели“,се тинејџерки кои глумат во новиот филм на оскаровецот Џордан Пил.
Сестрите Шелдон кои денес имаат по 16. години, ги глумат Бека и Линдси Рајлерм ќерки близначки на Кити, лик кој го отелотворува Елизабет Мос.
Улогата во вториот филм на Џордан Пил, кој за својот прв режисерски првенец „Get Out“ добил Оскар, е прво појавување на сестрите на големото платно и воедно и прва поголема улога за нив после „Пријатели“.
Улогата во „Пријатели“ и двете ја добиле откако нивната мајка Гречен Карпентер на еден блог дознала дека многу продуцентски куќи бараат близначки за различни улоги. Тие две биле премалечки за да се сеќаваат на улогата во серијата, но Гречен, вели дека на сетот ги третирале како принцези, особено Џенифер Анистон.
Минатата година девојките истакнале дека се посветени на училиштето, а глумата ја опишале само како хоби. Дали улогата во фалениот филм на Џордан Пил тоа ќе го промени, останува да се види.
