Американскиот рапер Џеј Зи во интервју за „Њујорк тајмс“ признал дека ја изневерувал Бијонсе, но и дека бракот го спасиле благодарение на музиката но и терапиите.
„Мораш да преживееш. Преминуваш на фазата преживување, а кога преминуваш во таа фаза, што се случува? Ги исклучуваш сите емоции. Дури и со жените, ќе се исклучиш емоционално, па не можеш да се поврзеш. Во мојот случај, длабоко е. И поради тоа се случуваат сите нешта: неверство“, рекол Џеј Зи.
За неверството на раперот се шпекулираше и претходно, кога Бијонсе го издаде својот последен албум Lemonade, а во голем дел од песните публиката ги препозна приказните за неверството.